السبت، يونيو 10، 2017

صندوق الدنيا



ما تيجي نرتب أفكارنا مع بعض من تاني ونشوف هنقدر نتغير ولا لاء ، ما يمكن أفكارنا قدمت ومبقتش تناسبنا دلوقتي زمان يا صديقي كنا ابرياء وكانت افكارنا بتليق علينا دلوقتي النقاء بيعتبروه موضه قديمه وانت عارف ان اكتر حاجة بقت بتوجعنا وتسيب اثر فبنا  اننا تايهين في وسط حياة لا تشبهنا ولا نشبها ،، الدنيا بكل حكاياتها والناس على اختلاف أخلاقها بنبقى كلنا في نفس خط السير وناس تفارق وناس تكمل وناس في نص الطريق تجرحك عشان تكمل باقي الطريق وعينك على كل الخطاوي الي قطعتها معاه، والقلب مرايا بتشوف فيها كل الاحلام الي فاتت والشوارع مبتنساش لا ضحكك الي كان ولا حتى زعلك في يوم ما رجعت وحيد في نفس الشارع من غيرهم، ودور الدايرة بناس تانين وجرح يجدد جرح ولسه الفرح أوانه مجاش مستنين واحنا خايفين،، خايفين من الغايب الي لما يرجع يكون كل شيء استناه راح وفي وسط كل العاتمه يهل حلم صغير وينور ضي ضعيف نتسند عليه يقوينا ونقويه ونلاقي الي يصدق حلمنا وأفكارنا القديمة وحياتنا البريئة الي كانت وردة جميلة صغيرة في وسط الشوك بتتفتح 

الخميس، أبريل 13، 2017

حظك يا قلبي .

 عن كل يوم وناس كل يوم ودوشة كل يوم وعبط وهبل وساذجتك وطيبتك وقلبك النقي وعنهم وعن قسوتهم وعن حقدهم وعن قلوبهم السودا طب واخرتها الاخر تذكرة وطيارة والهموم دي تروح لحالها هاهاها وهناك برضو جايز نقابلهم تاني بنفس قسوتهم ونفس سخافتهم طب والحل أعتزلكم ؟   قلبك يا بنوته اتكسر بدري و غيابك في قلوبهم بقى طبيعي الحل من عندك يا كريم 

الخميس، فبراير 16، 2017

أمس أنتهينا


الكل أفتكرها وأحتفل بيها لكن هو نسيها مفتكرش نسى أحساسه يوم ميلادها كان بيبقى شكله ايه نسى فرحته بيها كانت بتبقى أزاي هو بقى واحد تاني ولا هي لسه شايفه زمان وعايشة فيه .. هو معقول الدنيا ممكن تسرق مننا الحب وتغيرة لو الأيام غيرت فينا ملامحنا معقول تسرق كمان أجمل أحساس عشناه أحتفاظنا للذكرى الحلوة بيخلينا نمد في العمر سعادة  بناخد من ذكرياتنا المفرحه الي يقوينا في لحظات ضعفنا نكبر ونزيد في العمر سنه وتفضل الذكرى زي ما هيا متمرش عليها الأيام ولا تطويها السنين ويفضل المشهد زي ما هو أنا وأنت وضحكتنا سوى لما كنا هناك ده عهد بيني وبيني لأحلى ذكرى في عيني 
حقوق النشر محفوظة لصاحب المدونة. يتم التشغيل بواسطة Blogger.

مريومتي

مريومتي

وردي الرقيق :)

وردي الرقيق :)

بحب البنفسج

بحب البنفسج
صورتها من حديقة الكلية 2010

من أنا

صورتي
أنا من تخوض الحياة ببرأة الآطفال وطموحاتها لا تمنعها اسوار ولا يصد هدفها الجبال كالطير المهاجر بين الآوطان... ..................... آية ده إسمي .. بنوتة بسيطة جدا لا أحب الكلكعه ولا الناس اللي عايشة في الدور .. هادية وشقية ومعرفش إزاي .. أنا إعلامية يعني خريجة إعلام جامعة القاهرة ..

Translate

إجمالي مرات مشاهدة الصفحة

About this blog



أنا من تخوض الحياة ببرأة الآطفال وطموحها لا تمنعها أسوار ولا يصد لهدفها الجبال كالطير المهاجر بين الآوطان .. أنا من تعشق الحياة بكل ما فيها تحلم مع البحر وترسم فوق الرمال قلبها الرقيق..تحمل روحها الجميلة أينما تكون تزرع فى كل مكان وردة وفى كل قلب ذكرى..شقية احياناَ هادئة احيانا ..لكن هذة أنا.. وغيرى أنا ما أكون...
فقد صنعت لنفسى كون وحياة فيه اشيائى وفيه أعيش وحدى..
************ يارب سبحانك بينى وبين الناس فى دنيتك احوال وانت اللى عالم بضعفى ياذا الجلال والكمال خلينى عبدك لوحدك لاعبد جاه ولا مال واحمينى من الحقد من نفسى من قالو وقلنا وقال يارب سبحانك ...

Blog Archive

Followers