الثلاثاء، أبريل 16، 2013

أبو كف رقيق و صغير


أهو أنا البنت اللى لسه بتتفرج على بكار حلقة حلقة كل يوم و مش بمل خالص بالعكس لذيذ جدا إنك تستمتع بكل الحاجات اللى بتسعدك مع إن غيرك لما يعرف إنك كده و لسه بتحب الحاجات دى يتريق بقى و يقولك ايه الطفولة دى ..ماشى أنا طفلة و بحب بكار ..حتى أسألوه..أصل أنا و هو زى بعض ده حتى بيحب الرسم زى...ولمض كمان زى ..
بكار...بكار ..بكار ..يا بو كف رقيق و صغير و عيون فنان محتار..من قلبه و روحه مصرى و النيل جواه بيسرى ...أصحابه كتير كتير أده و قدهم و موسيقى نشيد بلادى بتجرى فى دمهم...

هناك 6 تعليقات:

ليلى الصباحى.. lolocat يقول...

بكار وبوجى وطمطم والسندباد وتوم وجيرى هههههه حتى الان اشاهدهم بحب واهتمام
مش انت بس حبيبة قلبى اللى طفلة كلنا جوانا طفل مهما كبرنا بيفضل جوانا واوعى اوعى تخلى الطفل ده يكبر ابدا ههههه

دمت بسعادة وبراءة وجمال حبيبة قلبى :)

تحياتى بحجم السماء

re7ab.sale7 يقول...

بالعكس انا بحب بكار جدا ولسة بردو بحب اقرأ بطوط وميكي وبحب اتفرج علي توم وجيري ولسة لغاية دلوقت بشتري ميكي جيب و وماجد
عادي جدا دي نوستاليجا للماضي حنين الطفولة الي بيحسسني بكل شيء جميل

faroukfahmy يقول...

كم نحِنّ الى طفولتنا البريئه النقية لنخفف من زخم ورخم ما اصابنا ويصيبنا فى كبرنا
بكار بكار يا بو كف رقيق وصغير .. دمك خفيف من دم بلادك وعنيك بتلمع على قد خصالك ونقاءك
ومن هنا اشكر ليلى الصباحى ورحاب بتفضهما بذكر اجمل حكاوى طفولتنا
الفاروق

بنوتة مصرية يقول...

استاذة ليلى الصباحى : حضرتك قولتى اسماء حاجات بحبها جداا منهم السندباد " رايح على فين يا سندباد :) اطفال العيله اعملو هوليله بين ليلة وليلة فى التليفزيون ملكة لميلكها بتقول حواديتها ههههه يااااه بحبها بجد .. وتوم اند جيرى طبعا مش محتاجه كلام .. مبسوطة اوى ان فى حد بيشاركنى الحاجات اللى بحبها ..

دمتى انت لى صديقة :)

بنوتة مصرية يقول...

استاذة رحاب صلاح : على فكرة بقى انا بحب زيك اقرا ميكى جدااا وكمان بطوط حتى القطر الندى :) وممكن اقعد اتفرج على توم اند جيرى لوقت كبير وبحب اوى حواديت سنووايت .. انا دايما فى شنطتى كتب للجيب لما بخرج وفى المواصلات بحب اقرا فيها زى روايات الجيب لآحمد خالد توفيق :) ... وكمان لميكى ... انتى جميله بجد انا بحب الناس اللى زيك كدا والناس اللى فيها الصفات دى بيكونوا اقرب ليا جدااا .. لى نظرية كدا عايشة بها دايما شايفه ان الحياة مش هتكون حلوة إلا لو كنا طبعيين فيها مجانين شويه هاديين اكتر انا بحس ان انا كأية بجمع بين حاجات كتير زى الطفولة والجنان اللذيذ والعقل والاتزان .. :)

مبسوطة بوجودك صديقتى

بنوتة مصرية يقول...

استاذ فاروق فهمى : اتفق مع حضرتك ..:)

حقوق النشر محفوظة لصاحب المدونة. يتم التشغيل بواسطة Blogger.

مريومتي

مريومتي

وردي الرقيق :)

وردي الرقيق :)

بحب البنفسج

بحب البنفسج
صورتها من حديقة الكلية 2010

من أنا

صورتي
أنا من تخوض الحياة ببرأة الآطفال وطموحاتها لا تمنعها اسوار ولا يصد هدفها الجبال كالطير المهاجر بين الآوطان... ..................... آية ده إسمي .. بنوتة بسيطة جدا لا أحب الكلكعه ولا الناس اللي عايشة في الدور .. هادية وشقية ومعرفش إزاي .. أنا إعلامية يعني خريجة إعلام جامعة القاهرة ..

Translate

إجمالي مرات مشاهدة الصفحة

About this blog



أنا من تخوض الحياة ببرأة الآطفال وطموحها لا تمنعها أسوار ولا يصد لهدفها الجبال كالطير المهاجر بين الآوطان .. أنا من تعشق الحياة بكل ما فيها تحلم مع البحر وترسم فوق الرمال قلبها الرقيق..تحمل روحها الجميلة أينما تكون تزرع فى كل مكان وردة وفى كل قلب ذكرى..شقية احياناَ هادئة احيانا ..لكن هذة أنا.. وغيرى أنا ما أكون...
فقد صنعت لنفسى كون وحياة فيه اشيائى وفيه أعيش وحدى..
************ يارب سبحانك بينى وبين الناس فى دنيتك احوال وانت اللى عالم بضعفى ياذا الجلال والكمال خلينى عبدك لوحدك لاعبد جاه ولا مال واحمينى من الحقد من نفسى من قالو وقلنا وقال يارب سبحانك ...

Blog Archive

Followers