الاثنين، أكتوبر 01، 2012

بـــلا وجـــع دمــــاغ..


زى ما انا قولتلك يا صديقتي و زى ما انتي فكرتينى من يومين بالجُملة دى " بلا وجع دماغ"
الواحد نفسه تبقى علاقته بس مع الناس اللى بيحبهم و بيحبوه فعلاً
ولا مجال لأهدارمشاعر و أعصاب الواحد مع ناس ميستاهلوش...
أنتي لما قولتلك أنا الجملة دى ساعتها أكيد كنتي مجروحة جامد و مضايقة منى
بس إنتي لما فكرتينى بيها حسيت إنها بتنطبق على أى وقت...
الواحد بيضيع وقت كتير فى التفكير فى ناس مش قادر يحدد هو أيه بالنسبالهم
فيه ناس منهم يكونوا كويسين فعلاً والواحد بيبقى بيحاول يقرب منهم بس زى ماتقول كده محصلش نصيب و الواحد مقدرش يحجز مكان فى قلبهم...
بس فعلاً الواحد محتاج يحدد علاقته بحاجات كتير علشان يقدر يبدأ على نضافة
مفيش أجمل من إنك بتكون بتحب و تكون واثق من إنه بيحبك...ولا آيه؟
أنا مكرهش حاجة قد فكرة الكتابة عن الأخرين السيئين و إن الواحد يبين نفسه فى شكل الشخص الطاهر النضيف...
و نظام إن الواحد يكتب إن الدنيا مليانة ناس سيئة و معندهمش أحاسيس و إنه مش قادريلقى حد يقدر عواطفه الملتهبة...ولا حبه الكبير
والكلام ده كله
و أنا مش عامله المدونة دى علشان أصفى فيها حسابات مع ناس أو أعمل أى نوع من الأسقاطات على أحد أو تكون ساحة لنشر الغسيل اللى مش ولا بُد..أنا هنا بكون نفسى " آيه" اللى بتحب الحواديت ..تكتبها و تحكيها..
و مهما الواحد إتعرض لأستفزازات بيحاول يحافظ على منطقة نضيفة فى حياته من غير قرف ولا وجع دماغ حتى ولو كانت مجرد مدونة...

هناك 3 تعليقات:

ليلى الصباحى.. lolocat يقول...

يوووووووووووووووه ده انت لسه ياما هتشوفى من استفزاز ههههههه

والله حبيبتى كلنا اتعرضنا لسخافات واستفزاز وافكار غبية كتير... ولايهمك وماتخليش اى شىء يأثر عليك وخليك دايما قوية وعندك عزيمة واصرار


دمت بكل خير حبيبة قلبى
تحياتى بحكم السماء

بنوتة مصرية يقول...


إلى ليلى الصباحى :
واى سخافات يووووه ناس بجد مريضه ومقرفه ومفيهاش خير ومش فاهمين حافظين بسسس .فعلا غباء !!

الحمد لله على كل حال .. ازاى اكون ضعيفه وربنا موجود

جميلة كلماتك اسعدتنى

الأمير يقول...

" اهلا بكم في مدونتي البسيطة "

جملة جميلة تنم عن تواضع وحسن خلق
لكن ان تحتوي على تلك الجملة فقط فهي مدونة غير بسيطة ! فدعينا نتفق انها على الأقل مفيدة .. ان لم تكن رائعة .

هكذا شعرت من تدوينتكم تلك .
جعلتي العلاقات بسيطة واوافقك ولكنها كلها مهمة ولابد من هذا ليظهر ذاك
ولابد من هذا الطعم لنعرف الاخر

اذن اقف ويقف الكلام ولم افي الموضوع حقه ولكن كلمة اخيرة
ان والله اي صعوبات في حياتنا هي وضعت وكانت ... لتوازن حياتنا .

والسلام عليكم

حقوق النشر محفوظة لصاحب المدونة. يتم التشغيل بواسطة Blogger.

مريومتي

مريومتي

وردي الرقيق :)

وردي الرقيق :)

بحب البنفسج

بحب البنفسج
صورتها من حديقة الكلية 2010

من أنا

صورتي
أنا من تخوض الحياة ببرأة الآطفال وطموحاتها لا تمنعها اسوار ولا يصد هدفها الجبال كالطير المهاجر بين الآوطان... ..................... آية ده إسمي .. بنوتة بسيطة جدا لا أحب الكلكعه ولا الناس اللي عايشة في الدور .. هادية وشقية ومعرفش إزاي .. أنا إعلامية يعني خريجة إعلام جامعة القاهرة ..

Translate

إجمالي مرات مشاهدة الصفحة

About this blog



أنا من تخوض الحياة ببرأة الآطفال وطموحها لا تمنعها أسوار ولا يصد لهدفها الجبال كالطير المهاجر بين الآوطان .. أنا من تعشق الحياة بكل ما فيها تحلم مع البحر وترسم فوق الرمال قلبها الرقيق..تحمل روحها الجميلة أينما تكون تزرع فى كل مكان وردة وفى كل قلب ذكرى..شقية احياناَ هادئة احيانا ..لكن هذة أنا.. وغيرى أنا ما أكون...
فقد صنعت لنفسى كون وحياة فيه اشيائى وفيه أعيش وحدى..
************ يارب سبحانك بينى وبين الناس فى دنيتك احوال وانت اللى عالم بضعفى ياذا الجلال والكمال خلينى عبدك لوحدك لاعبد جاه ولا مال واحمينى من الحقد من نفسى من قالو وقلنا وقال يارب سبحانك ...

Blog Archive

Followers