على كل لون الحياه
على كل لون يا بشر
بشر بتخلق حياه
وبشر بتقتل بشر
*****سموني باسم الحقايق
*****سموني باسم الحقايق
سموني باسم التراب
وارموني وسط الخلايق
أقتل نغم كداب
*****أيام علينا تعدي
*****أيام علينا تعدي
وتمر مثل السحاب
وإحنا بناخد وندي
ونبيع لبعض العذاب
*****مازرعتش الورد عمري
*****مازرعتش الورد عمري
وباشم ريحة عبيره
أه ع اللي يزرع ما يدري
ويجني لكن لغيره
*****قليل كلام الحزين
لكنه في القلب طامي
لا له لسان أو إيدين
لكنه له طلق حامي
*****الصبح طالع شباب
*****الصبح طالع شباب
طالع يغربل عذابه
والرزق زي الرباب
بيدق بايدينه بابه
*****قال الشجر للريح
*****قال الشجر للريح
يا ريح يا قتاله
فروعي تتعب تصيح
للأرض مياله
*****عارفك يا بكره وشايفك
*****عارفك يا بكره وشايفك
جاي من عيون الناي
أخضر وحالفه شفايفك
تلمس وليدي الجاي
*****الدنيا والله براح
*****الدنيا والله براح
قليل عليه أكون
طيره طليقة الجناح
وأخلق لنفسي كون
*****يا طيري إرجع لبيتك
*****يا طيري إرجع لبيتك
الضلمه براه جدار
إفرد جناحك في غيطك
على قد زاد الديار
*****دي لحظة الذكرى ياما
*****دي لحظة الذكرى ياما
نسعد بها أو نشقى
لو حتى كانت غمامه
نزول وهي بتبقى
***الصمت هجر البيوت
***الصمت هجر البيوت
تحت الغطا يا ليل
جوه عروق السكوت ..
برد الشتا بيسيل
*****البحر هجر المراكب ..
*****البحر هجر المراكب ..
ونا ح أروح لك كيف
غيم الشتا مواكب
وف قلبي حر الصيف
*****في الليل بتطرح نجوم
*****في الليل بتطرح نجوم
جنة سمايا طرح
ملهاش ايدين في الغيوم
ملناش ايدين في الفرح
*****إخترت أكون نفسي
*****إخترت أكون نفسي
مطرح ما أروح بتروح
بين يومي بين أمسي
نفس الحقيقه روح
*****في إيديها شنطة ولابسه
*****في إيديها شنطة ولابسه
المريله والكوله
شمس الطفوله دايسه
ليل أمنا الغوله
*****بحلم في يوم أطول
*****بحلم في يوم أطول
أسكن في بيت قديم
وأدبل وأدوب وأزول
وأنزف في جرح أليم
*****بحلم أكون موجه
*****بحلم أكون موجه
ع الشط نتعس ساعات
وأهرب من الهوجه
من خنقة العمارات
*****بحلم بك إنت يا كون
*****بحلم بك إنت يا كون
تصير في لحظه قلب
سرك أكيد مكنون
وبتعرف إمتى تحب
*****
*****
عبد الرحيم منصور
**
ليست هناك تعليقات:
إرسال تعليق