الجمعة، نوفمبر 26، 2010

المقعد الخلفى فى ترام الاسكندرية.....


كل مرة كنا بننزل فيها اسكندرية كنت بتمنى إنى أتمشى فى المدينة لوحدى بدون ان يرافقنى اّحدى أفراد عائلتى أو أقاربنا هناك, .. فقط بحثاَ عن المزيد من الحرية ..
أنا والإسكندرية والبحر ولا سوانا,.... وقد تحقق ما كان حين سافرنا فى أجازة عيد الآضحى  وقررت ان أبدأ جولتى بركوب الترام كم هو رائع هذا الشعور أحسست وكأنى طفلة تلهو بالملاهى والترام كالعبة جميلة تدور بها حيثما تريد, ...وهنا تبتدى تدوينة اليوم.....
المكان : من محطة الرمل إلى محطة الورديان (المقعد الخلفى للترام)
الزمان: الثامنة صباحاَ 20 نوفمبر 2010.....
اليوم بيبتدى فى المنشية هناك على الكورنيش وإطلاله سريعة على البحر الجو كان برد جداَ لكن منظر البحر كان رائع اسكندرية فى الشتا بتتغسل بجد,.... وفى عز البرد فى إيدى الآيس كريم شعور ولا أروع...., الناس على الكورنيش الصبح قليلة جدا كنت حاسة إنى بحلم والعربيات فى الطريق قدامى زى كتل السحاب الآبيض النقى والناس زى الطيور والبحر دنيا كبيرة فيها أنا وهو والآيس كريم وبس,...مجنونة شوية لكن الحياة حلوة بجنونها برضو... غزل البنات... طفل صغير بيطارد بقاية النوم من عنيه بيبتسملى تاكلى غزل البنات يا أبلة .. الله كان نفسى فيه بجد...., ماشى موافقة بس عايزة اللون البمبة واللون الآبيض.... طعمه جميل غزل البنات سكر نبات...
الطريق من المنشية لمحطة الرمل محستش انه طويل بالعكس الوقت وانت بتمشى على الكورنيش وعنيك على البحر بيمر بسرعة...وأخيراً فى محطة الرمل وأمامى الترام  ألآصفر صعدت بسرعة للترام تغمرنى سعادة ومرح الآطفال لم أجد مقعد أجلس عليه غير المقعد الخلفى فى العربه كانت العربه مزدحمة بالناس فى المقعدين المقابلين لى كان يجلس أربعة من الآفارقة أتضح لى ذلك من شكلهم وطريقة تحدثهم الغريبة ,تذكرت إن هناك بالفعل فى المنشية جامعة للطلبة الآفارقة تسمى جامعة سنجور, ..المهم كانوا ينظرون لى ويبتسموا والصراحة أنا كنت بضحك جدا عليهم ويصعد مجموعة من الصبيه السكندريين وينظروا لهؤلاء الآفارقة ويضحكون حتى أن احدهم يقول: لهم هو انا رايح أفريقيا ولا إية هههههههه.... وما ان سمعت تلك العبارة حتى انفجرت فى الضحك أنا عارفة ان مش من المفروض نسخر منهم لكن الصراحة ميبقاش دة الشعب المصرى لو متريقش حتى على عيشتة....أمامى وعلى بعد مقعدين كان يجلس رجل يطالع الآخبار فى جريدة المصرى اليوم ومع كل خبر كان يهز رأسة متعجباَ إلى ان أغلق الجريدة تماماَ ... أعوذ بالله مبقاش فى خبر يفرح الناس حتى فى الجرايد.... أما أمامى فى المقعد كان يجلس شاب وفتاة تقريباَ مخطوبين..هكذا تفهمت... وبخبث كنت اتابع حديثهم حتى لآحظت الفتاة وأبتسمت لى خجلاَ فأدرت رأسى عنهم وألتفت مرة أخرى للآفارقة وكانوا قد أدارو حديثاَ مضحكاَ مع الصبيه رغم أنهم تقريباَ لا يفهمون لغة البعض ههههههههههههه كل ما حولى كان يبث لىّ السعادة الترام يمضى فى نزهة ترفيهية رائعة محطة الرمل ومحطة القائد إبراهيم ومحطة مصر والرصافة وناريمان ... إلى ان وصل الترام إلى محطة الورديان..
قررت النزول فى الورديان بعد أن ازدحم الترام واخدت المشروع (الميكروباص يعنى فى القاهرة) من الورديان لبحرى وهناك أمضيت ساعتين وطبعاَ لم يفوتنى الآيس كريم من عزة اللى فى بحرى,..... تلك الساعات القليلة كانت ممتعة بكل تفاصيلها بدءاً من البحر فى الصباح ورائحة اليود التى تغمر الآسكندرية كلها وصولاَ للترام والمقعد الخلفى والآفارقة وحديثهم المضحك والرجل والجريدة والشاب والفتاة وعبارات الحب التى كانا يتبادلانها.... كل تلك التفاصيل اضحت بدورها عيداَ أخر لى غير عيد الآضحى .. بأختصار كانت تلك الساعات القليلة كافية لى لوداع الآسكندرية على أمل اللقاء بعد انتهاء امتحانات نصف العام حيث اننا غادرنا فى نفس اليوم ليلاَ......

هناك 12 تعليقًا:

ذو الوجه المبتسم يقول...

كل سنة وانتى طيب

طبعا المشي على الكورنيش او اى مكان ع البحر بيكون ممتع جدا

اتمنى لك دوام المتعة

تقبلى تحياتى

بنوتة مصرية يقول...

وحضرتك طيب وبخير

امين يارب

شرفت بمرورك

عباس ابن فرناس يقول...

الاسكندرية !
احب بلاد الله الى قلبى
برغم من انى لن ازورها منذ اكثر من عشر سنوات لكن لى فيها زكريات لا تنسى

كان فى وصفك للرحلة سلوا لى
اشكرك
وتحية عطرة

غاوي مشاكل يقول...

حدوتة مصرية اصيلة

بنوتة مصرية يقول...

عباس ابن فرناس
اسكندرية بلد بتحتضن الحياة لو روحت هناك هتحس بالحياة من هواها النقى الجميل بجد اكثر ما يعجبنى فى هذة البلد هو احساسى بها بالراحة والسكينة فى النفس ....
ليس شكلها فقط بل هواها وبحرها اللى يردو الروح ...وكلما ضاقت بيا الحياة اذهب للآسكندرية وارى البحر واعود انسانة ثانية متجددة مشرقة للحياة ...

وما حدث فى هذة الرحلة رغم بساطتة لكن كان أروع ما حدث لى وكاقى لوداع هذا المكان القريب جدا من قلبى ..

شرفت بمرورك الطيب

غير معرف يقول...

موهبة فطرية بلجهة عامية و قلب مفتوح و حس بسيط حقيقي أقرائي أكثر و أكتبي كل يوم حتي لو سطور قليلة و ربما تصبحين كاتبة جادة في يومآ ما ؛

غير معرف يقول...

موهبة فطرية بلجهة عامية و قلب مفتوح و حس بسيط حقيقي أقرائي أكثر و أكتبي كل يوم حتي لو سطور قليلة و ربما تصبحين كاتبة جادة في يومآ ما ؛

بنوتة مصرية يقول...

اهلاَ وسهلاَ بحضرتك كنت اتمنى انك تطلعنى على اسمك .. شكراَ جدا لكلام حضرتك اللى اسعدنى جدا... وااتمنى تكون التدوينة كمان اسعدت حضرتك

شرفت بمرورك الطيب

غير معرف يقول...

كن جميلا ترى الوجود جميلا
انت كنتي فرحانه وعشان كده تقريبا كل حاجة كانت بتضحك في عنيكي
ربنا يفرح قلوبنا في الدنيا والاخرة

بنوتة مصرية يقول...

أمين يارب
طبعاَ كن جميلاَ ترى الوجود جميلاَ..

اللى بنتخيله وبيفكر فية عقلنا لو صدقناه انه جميل لازم الناس تحس اننا كمان حلوين اوى بس الآول نصدق انفسنا..
وعموماَ انا طول عمرى شايفة الدنيا حلوة على رغم ان فيها حاجات كدة بتكسبها حبة رخامة ..بس عايزة اقولك ان الدنيا حلوة بالناس الحلوة اللى قلبها طيب ورقيق وشفاف...

Unknown يقول...

اكيد المشى على الكورنيش حلو وركوب الترام متعه .
انا هنا بحب اركب الترام وهو فاضى بليل احس انى بتفسح ى اسكندريه من الحضره للرصافه لبوالينوا لحد شارع منشا . من وراس التين فى بحرى لحد شارع منشا كل ده وانا بليل بحس بمتعه انا بمشى بالترام كانى فى نزهه خلويه مش زى المشروع او التاكسى كل حاجه تمر بسرعه

Eslam Nour يقول...

كالعادة جاءت حدوتك رقيقة المشاعر ومرهفة الحس .
ولذلك استمتعت بقراءتها .
فبتمنالك مزيد من التدوينات الرائعة يا أميرة الرومانسية !

حقوق النشر محفوظة لصاحب المدونة. يتم التشغيل بواسطة Blogger.
Powered By Blogger

مريومتي

مريومتي

وردي الرقيق :)

وردي الرقيق :)

بحب البنفسج

بحب البنفسج
صورتها من حديقة الكلية 2010

من أنا

صورتي
أنا من تخوض الحياة ببرأة الآطفال وطموحاتها لا تمنعها اسوار ولا يصد هدفها الجبال كالطير المهاجر بين الآوطان... ..................... آية ده إسمي .. بنوتة بسيطة جدا لا أحب الكلكعه ولا الناس اللي عايشة في الدور .. هادية وشقية ومعرفش إزاي .. أنا إعلامية يعني خريجة إعلام جامعة القاهرة ..

Translate

إجمالي مرات مشاهدة الصفحة

About this blog



أنا من تخوض الحياة ببرأة الآطفال وطموحها لا تمنعها أسوار ولا يصد لهدفها الجبال كالطير المهاجر بين الآوطان .. أنا من تعشق الحياة بكل ما فيها تحلم مع البحر وترسم فوق الرمال قلبها الرقيق..تحمل روحها الجميلة أينما تكون تزرع فى كل مكان وردة وفى كل قلب ذكرى..شقية احياناَ هادئة احيانا ..لكن هذة أنا.. وغيرى أنا ما أكون...
فقد صنعت لنفسى كون وحياة فيه اشيائى وفيه أعيش وحدى..
************ يارب سبحانك بينى وبين الناس فى دنيتك احوال وانت اللى عالم بضعفى ياذا الجلال والكمال خلينى عبدك لوحدك لاعبد جاه ولا مال واحمينى من الحقد من نفسى من قالو وقلنا وقال يارب سبحانك ...

Blog Archive

Followers