الخميس، أكتوبر 21، 2010

ايام الدرة


بالآمس جاءت لزيارتى احدى صديقات المرحلة الآعدادية والله كنت متشوقة لرؤية أصدقاء ايام الدراسة وخصوصا المرحلة الآعدادية والثانوية وتبادلنا الحديث والضحكات وتذكرنا سوياَ كل المواقف الرائعة والمضحكة التى شاركنا بها اصدقائنا فى المدرسة...
ذكرتنى صديقتى باليوم الذى خرجنا فية بعد انتهاء اليوم الدراسى فى مظاهرة طلابية..
كنا مجموعة اصدقاء فى الفصل مرتبطين ببعض جدا خرجنا جميعاَ فى مظاهرة طلابية
تجمع بين بنات المدرسة كلها وقتها كنت فى اولى اعدادى عام 2000 وكانت جميع الدول العربية  شعوبها تقوم بالتظاهر الشديد من اجل محمد الدرة الذى توفى برصاص اليهود فى فلسطين ..كنت صغيرة جدا وقتها لا اعلم ماذا تعنى كلمة مظاهرة ولا اعلم الكثير عن من هم اليهود ولماذا يعادوننا ويقتلون اطفالنا ونسائنا وشبابنا لكن حينما قتل محمد الدرة علمت من هم اليهود وماذا يريدون ...
وقتها مدارس وجامعات مصر كلها كانت فى حالة غضب شديد ورغم جهلى بمعنى التظاهر لكن كل ما كان يهمنى وقتها هو تعاطفى مع محمد الدرة الذى يتحاكا عنه المدرسين والطلبة وبالفعل خرجت مع صديقاتى بالمدرسة فى مظاهرة تجمع ببنات المدرسة كلها تقريباَ هاتفين بقول يا فلسطين يا فلسطين احنا معاكى ليوم الدين وكان الصدق يتكلم بدلاَ مننا فى هتافتنا البريئة وبدات تتولد جوايا روح لم المسها بداخلى من قبل ....
وفى اثناء المظاهرة لمحت ابن اختى محمد كان عمره اربع سنوات وقتها ماشى بين البنات فى المظاهرة ههههههههههههههههههههه لم ادرى من اين جاء الضحك والذى اضحكنى اكثر  هو انه كان يردد وراء البنات يا فوسطين يا فوسطين احنا عماكى ليوم الدين هههههههههههههه مش ممكن مش قادرة انسى الموقف دة واخذتة وروحتة لمامتة لآن مدرستى كانت جنب بيت اختى ولكن اخدت من الحب جانب عندما علمت اختى الكبيرة انى شوفت محمد ماشى فى مظاهرة انا كنت فيها من الآساس ههههههههههه
لكن انا اتعلمت من الموقف دة بجد معنى الآنتماء وعرفت ان التظاهر دة شئ حضارى لكن بث فيا يعنى اية انتماء ووطنية وروح لمقاومة الظلم حتى وان كانت بعقول عصافير بريئة مثلى ومثلى اصدقائى ...لكن وقتها اتعلمت شئ مهم من مدرس الدرسات الآجتماعية لما كان بيوعى الطلبة وانا من ضمنهم بأننا مازلنا صغار لا نعلم يعنى اية سياسة لكن لابد ان نعلم يعنى اية انتماء ونصحنا جميعا بمقولة لن انساه ابدا عندما قال يا بنات السياسة لعبة حقيرة والسياسى الصح افعاله تسبق اقواله ...
ووقتها ادركت هذا المعنى وحاولت جاهدة ان اثبت صحة تلك المقولة واسفاَ وجدت ان اغلب ممن يشتغلون بالسياسة يتميزون بنفس الصفه...

هناك 4 تعليقات:

غير معرف يقول...

جميل الموضوع يا أية
بس ليه السياسة محصورة فى ناس قليلين
ليه مش كل الناس يبقوا سياسيين
بالرغم ان ده الاتجاه العالمى ان المواطن بيختاره مرشحوه ورئيسه يعنى سياسى زى ما نقول على قده

غير معرف يقول...

في مقوله جميله بحبها قوي بتقول احب اعرف شئ عن كل شئ وكل شئ عن شئ يعني المفروض ان الأنسان مننا يكون عنده خلفيه عن كل شئ في مجالات الحياه المختلفه وفي نفس الوقت يهتم اكتر بالمجال اللي يحبه وبالتالي لازم كل الناس يبقى عندها خلفيه سياسيه ولو بسيطه عشان يبقى فاهم الدنيا ماشيه ازاي وعلى الأقل وضع بلده عامل ايه وسط الدول ده بخلاف ان كل واحد مننا ليه دور ورساله ما لازم يؤديها في الحياه سواء لنفسه ولمجتمعه ولبلده فلو كل واحد فينا فهم وعرف كده بلدنا هتبقى حاجه تانيه وهنحس فعلا بالمعنى الحقيقي لمفهوم الأنتماء وفي نفس هيبقى لينا سياسه ومنهج ماشين عليهم ولما نوصل للمرحله دي هنقدر نفهم السياسه عفوا بقذارتها وكمان نظافتها ده لو اعتبرنا انه في سياسه نظيفه في مصر او الوطن العربي بشكل عام .. خالص تحياتي وتقديري لموضوعك الرائع ياأيه .. ماجد

بنوتة مصرية يقول...

اهلاَ وسهلاَ بحضراتكم..

من الواضح انكم لم تفهمون ما اقصده هنا من هذة التدوينة ....
لكن طبعاَ اكن احترام لكم لدخولكم هنا فى مدونتى البسيطة

ابراهيم الحماقي يقول...

شعور جميل وقتها ان الكل خرج ليعبر عن شعور جواه بسبب اللى حصل وقتها .
الانتماء للوطن وولمجتمع شعور ذاتى غير مكتسب بيتواجد من شخص لشخص حتى الطفل الصغير ابن اختك لما دخل معاكم دخل لانه حس بكده من صغره ( ربنا يحميه لاهله )

حقوق النشر محفوظة لصاحب المدونة. يتم التشغيل بواسطة Blogger.

مريومتي

مريومتي

وردي الرقيق :)

وردي الرقيق :)

بحب البنفسج

بحب البنفسج
صورتها من حديقة الكلية 2010

من أنا

صورتي
أنا من تخوض الحياة ببرأة الآطفال وطموحاتها لا تمنعها اسوار ولا يصد هدفها الجبال كالطير المهاجر بين الآوطان... ..................... آية ده إسمي .. بنوتة بسيطة جدا لا أحب الكلكعه ولا الناس اللي عايشة في الدور .. هادية وشقية ومعرفش إزاي .. أنا إعلامية يعني خريجة إعلام جامعة القاهرة ..

Translate

إجمالي مرات مشاهدة الصفحة

About this blog



أنا من تخوض الحياة ببرأة الآطفال وطموحها لا تمنعها أسوار ولا يصد لهدفها الجبال كالطير المهاجر بين الآوطان .. أنا من تعشق الحياة بكل ما فيها تحلم مع البحر وترسم فوق الرمال قلبها الرقيق..تحمل روحها الجميلة أينما تكون تزرع فى كل مكان وردة وفى كل قلب ذكرى..شقية احياناَ هادئة احيانا ..لكن هذة أنا.. وغيرى أنا ما أكون...
فقد صنعت لنفسى كون وحياة فيه اشيائى وفيه أعيش وحدى..
************ يارب سبحانك بينى وبين الناس فى دنيتك احوال وانت اللى عالم بضعفى ياذا الجلال والكمال خلينى عبدك لوحدك لاعبد جاه ولا مال واحمينى من الحقد من نفسى من قالو وقلنا وقال يارب سبحانك ...

Blog Archive

Followers