الأربعاء، سبتمبر 01، 2010

دائماَ يطاردنى أسمه...


عمر
أسمه عمر وهو ايضاَ اسم جدى رحمة الله.
احب هذا الآسم جداا وتمنيت عندما اتزوج ان انجب ولد واسمية عمر ومحبتى واعتزازى به اكثر هى محبة للفاروق عمر رضى الله عنة واتمنى ان ابنى يحمل من صفات الفاروق ولو القليل فهو حقاَ شخص عظيم .
دائماَ يطاردنى هذا الآسم وعندما ارى هذا الآسم اينما اكون اشعر بسعادة
وفى ذات يوم كنت اجلس بجوار البحر فى الآسكندرية الجميلة وفى حالة من السرحان امام البحر ووجود الآجواء الهادئة حولى اذ ارى سيدة تأتى إلى لتسألنى ما اسمك فقلت لها لماذا قالت ابنى يريد ان يعرف اسمك فضحكت قولت لها واين هو واذ بها تنادى علية عمر عمر تعال يا حبيبى ورايت ملاك سبحان ما صور وخلق وتبسمت قولت له انا أية وانت قالى عمر عمرك كام يا عمر ثلاث سنوات قبلتة بفرحة وقالت  السيدة والدتة عمر فضل مصمم يعرف انتى اسمك اية واحنا اسفين ازعجناكى قولت لها ابداَ انا احب اسم عمر جدا وبعد ما رايت ابنك حبيتة اكثر قالت لى شكرا لذوقك جداا بعد اذنك ورحلت السيدة ومعاه عمر الجميل الطفل البريئ.

هناك 7 تعليقات:

شمس العصارى يقول...

جميل اسم عمر
انا برضه ان شاء الله حسمى عاصم
وايه دخل عمر بعاصم مش عارف
هههههههههه
المهم امتا الخطوبة
ههههههههههههههه
وهو عمر بيدرس ايه دلوقتى
3 سنين ماشاء الله يعنى بقيلوا سنة كمان هههههههههه
ربنا يديكى اكتر من الى تتمنيه

بنوتة مصرية يقول...

ماشى يا ابو عاصم ههههههه
اما بالنسبة للخطوبة قريب بس ابوه مش اسمة عمر هههههه
ان شاء الله هسنى ابنى عمر وانا بحب الاسم دة جدااا ودايما بيطاردنى بجد والله كتير اوى
اللهم امين يا شمي نحن واياك

شمس العصارى يقول...

انا اقصد خطوبتك انتى وعمر بتاع الشاطئ
ههههههههههههههه
مش مامته اهه موافقة هههههههههههه
طيب وفيها ايه لما الواد يبقى اسمه عمر وابوه اسمع عمر برضه
حتى علشان انتى متتلخبطيش
وعندك مثال حى " محمد محمد محمد ابوتريكة "
ههههههههههههههههههه
وهو عمر يبعت اسمه يطارك ليه اما غريبة والله ههههههههههههههههههههههههه

بنوتة مصرية يقول...

ما غريب إلا الشيطان
يا حاج شمس ابوه يبقا عمر والابن عمر برضة دة اسمة كلام ثم ان اسم الآب اتعرف خلاص انما عملا لسة مجاش هههههه
وبعدين الولد اللى كان فى الشاطئ دة عمرة ثلاث سنوات طفل يعنى يعنى لو كنت اتجوزت قبل كدة كنت انجبتة دة انت بجد اللى غريب هههههههههه
بعدين على فكرة انا ضفتك فى الفيس بوك وعملت لك رسالة على الووول لية مردتش ولا انت مش بنشوفك غير فى البلوج بس ههههههه اهلا اهلا بيك يا كريم هههههه كريم ولا شمس ولا عصارى
تعرف اسم مدونتك بيحسسنى انى قاعدة على كرسى وقت الغروب كدة على البحر هههههه ثم اظن يا شمي فى فيرس فى مدونتك كل ما ادخل عليها يخرجنى بسرعة مالحقش اتصفحها

شمس العصارى يقول...

ما انا عارف ان عمر بتاع الشاطئ عنده 3 سنين يعنى فاضله سنة وياخد البكالوريوس ههههههههههههه غلطت انا
لا انا عرفتك على الفيس بوك ... اخدت لينك الموقع قام فتحلى المدونة بتاعتك
وتصدقى اتخايلت بعمر برضه على باب المدونة ههههههههههههههههه
كريم او عبدالكريم ... شمس العصارى ده اسم المدونة فقط
وانا مختار الاسم ده لانى بحب وقت الغروب وشكل الشمس فيه بس بحبه اكتر على النيل
مفيش فيرس فى مدونتى .... ولا يمكن من الزحمة الى فى الاتوبيس ههههههههههههه
اكيد البلوجر بيعمل سكان لاى شئ مرفوع عليه يبقى مفيش فيروسات
اوقات البلوجر بيهنج ويقفل لوحده
مبروك طيب مفيش دبل مؤقتا كده ههههههههههههه

بنوتة مصرية يقول...

هعزمك قريب لا تقلق

Unknown يقول...

جميل انك تفكرى انك تسمى طفلك على اسم خليفه المسليمن الفاروق عمر رضى الله عنه .
والاجمل انك تتمنى انه يحمل صفات من صفاته فى حياته .
كل شخص يتمنى ان يكون له طفل والطفل ده يكون فيه صفه من صفات صحابه رسول الله .

حقوق النشر محفوظة لصاحب المدونة. يتم التشغيل بواسطة Blogger.
Powered By Blogger

مريومتي

مريومتي

وردي الرقيق :)

وردي الرقيق :)

بحب البنفسج

بحب البنفسج
صورتها من حديقة الكلية 2010

من أنا

صورتي
أنا من تخوض الحياة ببرأة الآطفال وطموحاتها لا تمنعها اسوار ولا يصد هدفها الجبال كالطير المهاجر بين الآوطان... ..................... آية ده إسمي .. بنوتة بسيطة جدا لا أحب الكلكعه ولا الناس اللي عايشة في الدور .. هادية وشقية ومعرفش إزاي .. أنا إعلامية يعني خريجة إعلام جامعة القاهرة ..

Translate

إجمالي مرات مشاهدة الصفحة

About this blog



أنا من تخوض الحياة ببرأة الآطفال وطموحها لا تمنعها أسوار ولا يصد لهدفها الجبال كالطير المهاجر بين الآوطان .. أنا من تعشق الحياة بكل ما فيها تحلم مع البحر وترسم فوق الرمال قلبها الرقيق..تحمل روحها الجميلة أينما تكون تزرع فى كل مكان وردة وفى كل قلب ذكرى..شقية احياناَ هادئة احيانا ..لكن هذة أنا.. وغيرى أنا ما أكون...
فقد صنعت لنفسى كون وحياة فيه اشيائى وفيه أعيش وحدى..
************ يارب سبحانك بينى وبين الناس فى دنيتك احوال وانت اللى عالم بضعفى ياذا الجلال والكمال خلينى عبدك لوحدك لاعبد جاه ولا مال واحمينى من الحقد من نفسى من قالو وقلنا وقال يارب سبحانك ...

Blog Archive

Followers