الجمعة، أكتوبر 14، 2011

التاكسى..... والسائق العجوز....... وأغنية......أم كلثوم

رسالة قديمة..... أول شئ أكتبه ... نشرتها تانى لأنى بحبها
........
التاكسى والسائق العجوز....... وأغنية ام كلثوم
مرسلة بواسطة بنوتة مصرية في 02:36 م
المكان:تاكسى قديم فى طريق بيت جدتى بحدائق القبة
الزمان: الجمعة 27 مارس2009

فى طريقى الى بيت جدتى وكانت معى اختى نجلاء وسمر بنت عمى والصغيرة هاجر بنت اخى بالمناسبة كنت انا وهاجر وسمر نرتدى ملابس من نفس اللون ههههههه المهم أننا ركبنا تاكسى قديم اوى والملفت فى الحكاية ان السائق كمان قديم جداااا ههههههههههههه قصدى رجل عجوز

صوت ام كلثوم وهى بتغنى كان جميل جداً,كانت بتشدوبــ أغنية" انساك دة كلام انساك يا سلام" جميلة فعلا الأغنية دى, وفجأة سمعت صوت اّخر يغنى مع الاغنية انة صوت السائق كان يردد كلمات الاغنية بأنسجام تام وكأنة شاب بالعشرينات ههههههههههههه

مما جعلنى أضحك معه واسأله" هو حب جديد ولا اية ههههههههه" وما ان اكملت تلك الجملة حتى ضحك الجميع وذيادة فى الضحك رددت" جديد اية ده قديم اوى" ههههههههه طبعا قصدى اتريق

رد السائق العجوزايوة قديم أوى أنها زوجتى نوارة حياتى وردد بالحرف ربنا يجعل يومى قبل يومها واحسست بالمعنى الجميل من حروف كلماته من شدة حبة لزوجته يتمنى موته قبلها
وقال لى يا بنتى هو الحب بتاع الايام دى بتسموه حب وقال بالحرف "الواد من دول الحب عنده خروجة وكلمتين وماسكة ايد" لكن الحب أيام زمان كان اخلاص ووفاء وقال برضو أنا حبى لزوجتى لانها ست وفية استحملت معايا كتير وببساطة كلامه قال يعنى على الحلوة بتعيش معايا وعلى المرار برضو صبرت معايا ومش عايزنى أحبها وأغنى كمان مع أم كلثوم عشانها
وضحك جداً وقال وبعدين تعالى هنا الكل ساكت وانتى اللى مستقصدانى انتى عينك منى ولا ايه هههههههههههه ولا عشان انا يعنى امور وحليوةهههههههههههههههه للعلم من سن جدى
رديت انا قائلة" ايوة معجبة وهاخد التاكسى" هههههههههههه
وما ان أاكملنا حديثنا المضحك حتى وجدت نفسى أمام بيت جدتى بحدائق القبة
الجميل اننى لم أاشعر بطول الطريق وعجبنى الحوار جداً وتحسرت على زماننا هذا الذى أصبح الحب الصادق فيه لا يوجد له مكان

هناك 8 تعليقات:

Unknown يقول...

فعلا يا ايه السائق عنده حق لا وجود للوفاء والاخلاص معنى الان واذا تواجد فى رجل او امراه . يذهب دائما للشخص الخطا.
ارجوا منك ان تقراى الموضوع اللى ححطه قريب ويارب يعجبك

واحد من الناس يقول...

ما زال الحب الحقيقي موجودا

يحتاج فقط إلى صبر وبحث وحسن اختيار

جميلة حكاياك

تحياتي :)

الاحلام يقول...

بنوته
الحب هو هو فى اى زمان وفى اى مكان الحب لغه الحياه والطريق الى السعاده
لكن العيب بداخلنا نحن فنحن الضعفاء فالحب بادخلنا يكون بمفهوم خطاء
تمنياتى لكى بالسعاده
تحياتى الاحــــــلام

بنت قلبى يقول...

لالالالالالالالا بنوته
مهما روحنا ومهما عيشنا ومهما متنا
دا بعد عمر الله اعلم بيه يعنى
هيفضل الحب هوا هوا
الحب موجود والله فينا فى كل الناس بس ساعات غرور الدنيا بتغطيه
وانا على فكره بستمتع بحكاويكى
فى التميز دائما يا قمرى

faroukfahmy يقول...

بنوته مصرية اعجبنى حوارك مع السائق العجوز وهذا شأنى دائما احب ان اتحاور واتناغش مع من حولى حتى ارى اللوم من لضمى هذا مع الآخرين مع من يرافقنى ففى هذا التواصل نعرف الكثير ونخلق جو الالفة والظرفة
اما عن مسألة الحب فلا نستطيع التعميم انه لا يوجد حب والا كانت على الدنيا السلام فلكل وقت ملامحه وظروفة ودائما كل جيل يمدح وقته وينكر ماكان وينعى حاضره ويشفق على ماهو آت
الفاروق

Asmaa Abd El-azez يقول...

جميلة أوى كان نفسي أشوف حب زمان دا كان ازاى اللى كل الناس بتحكى عليه دا :) بس يلا بقه مليش نصيب

Eslam Nour يقول...

أكيد الحب كان له مذاق أجمل مقارنة بعصرنا الحالى .
فمثلاً الناس زمان كان بيقدروا ويحترموا الحب جداً زى السائق الرومانسى !
ولكن يبقى الحب دائماً موجود طالما فيه حياة .
فعلينا بس نبذل مجهود أكبر حتى نجد من يفهم قيمة وروعة الحب .
وأخيراً أحيكى على قصتك الجميلة ، وحواديتك الإنسانية عموماً .
وأتمنى لك دوام الإبداع .

حدوتة قبل النوم يقول...

قصة جميلة شكرا لكــ .

حقوق النشر محفوظة لصاحب المدونة. يتم التشغيل بواسطة Blogger.
Powered By Blogger

مريومتي

مريومتي

وردي الرقيق :)

وردي الرقيق :)

بحب البنفسج

بحب البنفسج
صورتها من حديقة الكلية 2010

من أنا

صورتي
أنا من تخوض الحياة ببرأة الآطفال وطموحاتها لا تمنعها اسوار ولا يصد هدفها الجبال كالطير المهاجر بين الآوطان... ..................... آية ده إسمي .. بنوتة بسيطة جدا لا أحب الكلكعه ولا الناس اللي عايشة في الدور .. هادية وشقية ومعرفش إزاي .. أنا إعلامية يعني خريجة إعلام جامعة القاهرة ..

Translate

إجمالي مرات مشاهدة الصفحة

About this blog



أنا من تخوض الحياة ببرأة الآطفال وطموحها لا تمنعها أسوار ولا يصد لهدفها الجبال كالطير المهاجر بين الآوطان .. أنا من تعشق الحياة بكل ما فيها تحلم مع البحر وترسم فوق الرمال قلبها الرقيق..تحمل روحها الجميلة أينما تكون تزرع فى كل مكان وردة وفى كل قلب ذكرى..شقية احياناَ هادئة احيانا ..لكن هذة أنا.. وغيرى أنا ما أكون...
فقد صنعت لنفسى كون وحياة فيه اشيائى وفيه أعيش وحدى..
************ يارب سبحانك بينى وبين الناس فى دنيتك احوال وانت اللى عالم بضعفى ياذا الجلال والكمال خلينى عبدك لوحدك لاعبد جاه ولا مال واحمينى من الحقد من نفسى من قالو وقلنا وقال يارب سبحانك ...

Blog Archive

Followers